بیروڕا

01:04 - 29/4/2021

امین ‌حاجی زەڵمی

♦️ڤاکسین بۆمیلەتە یان بۆ فرۆشتن و بەخشینی بەرپرسانە

♦️ڤاکسین بۆمیلەتە یان بۆ فرۆشتن و بەخشینی بەرپرسانە


✍️امین حاجی زەڵمی

🔸لەدوای سەرهەڵدانی  ڤایرۆسی کۆرۆنا  لە چین ودواترلەوڵاتانی تری جیهان. هەمو وڵاتان کەوتنەخۆ بۆ ڕێکاری خۆپارێزی و بەرگرتن  لەبڵاو بونەوەی، هەرچەند تاڕادەیەکی باش توانرا لەسەرتاوە ڕێگیری لەبڵاوبونەوەی بگیری لە هەرێمی کوردستان و بەئاستێکی باش هوشیاری بەخشرایە میلەت، بەڵام لەچەند ڕویەکەوە نەتوانرا بەردەوامی هەبێیت. بەهۆی ناداپەروەری و گەندەڵی بەرپرسان. بگرە لەکاتی کەرەنتین و خۆپارێزیدا گەورەترین ڕێچکەی گەندەڵی سەری هەڵدا لە دەروازە سنوریەکان. دواتربەهۆی باری نالەباری بژێوی هاووڵاتیان ڕێکارەکان کەم کرانەوە و ئەومتمانەی خەڵک بەحکومەتی هەبوو ئەویش لەدەست چوو، ئەمە لەلایەک، لەلایەکی تریشەوە کاتێک وڵاتانی جیهان لە ترسناکی   ئەوڤایرۆسە تێگەشتن هەرزوو  ڕێکارەکارە پزیشکیەکانیان خستەجوڵە بۆهەوڵدان بۆدۆزینەوەی ڤاکسینێک بۆ ئەوڤایڕۆسە. لەکۆتایدا توانرا ڤاکسین بەرهەم بهێنرێت. هەمو وڵاتان کەوتنە کێ بڕکێ بۆبەدەست هێنانی ئەو ڤاکسینە. ئەوەی جێگای سەرنج و تێڕامانە سەرکردەکانی هەرێم  هرکەس بۆخۆی باسی هێنانی ڤاکسینی دەکردو بەڵێنی ئەوەیان دەدا لەماوەیەکی کەمدا  ڤاکسین بۆهاووڵاتیانی هەرێم دابین دەکەین.  زۆربەی سەرۆکی وڵاتان یەکەم کەس ڤاکسینیان لەخۆیاندا. وڵاتانی وەکو فەرەنساو بەریتانیا دوایچەند مانگێک لە داهێاننی ڤاکسین سەرکەوتنی خۆیان بەسەرکرۆنادا ڕایاند بەپێدانی ڤاکسین بە هەموو هووڵاتیانیان. بەڵام بەپێچەوانەی هەمو دنیا تائێستە یەک بەرپرسی هەرێم ڤاکسینی لەخۆی نەداوە، بەڵێنی ئەوەیان دەدا ئەگەر حکومەتی عێراق ڤاکسین دابین نەکات یان بڕەکەی کەم بێت خۆیان هاوردەی دەکەن، بەڵام بەداخەوە دوای گەشتنی ڤاکسین بەعیراق و هەرێمی کوردستان  هیچ پەرۆشیەک نەلەهاوڵاتیان و نەلە حکومەتیشەوە نیە. لەچەند ڕۆژی ڕابردودا ماڵپەڕە جیهانیەکان باس لە فڕۆشتنی ڤاکسینی هەرێم دەکەن بە ایران و  دواتر بەخشینی بەرپرسانی هەرێمە بە هەندێک کەس و لایەنی وەکو  سەرکردە ئۆپۆزسیونەکانی ئێران و تورکیا وەکو دیموکرات و پەکەکە و هتد!
میلەتەکەی خۆت ڕۆژانە دەیان قوربانی دەدات بەهۆی کۆرۆناوە بەرپرسانی هەرێم  ڤاکسین دەبەخشن، کورد واتەنی (تەرحەم بەسەر ئاوی حەمامەوە دەکات). یان لە زۆربەی سێکتەرە پزیشکیەکانەوە باسی ئەوەدەکەن کە میلەت خۆی نایەت ڤاکسین وەربگرێ. بەڵام بەپێچەوانەوە  من خۆم نزیکە مانگێکە  فۆڕمم بەئۆنلاین پڕکردوەتەوە بەڵام  تا ئیستە تەلەفونیشم بۆ نەکراوە، ئەمە لە کاتێکدا چەند ڕۆژی ڕابردوو لە تەندروستی پارێزگای هەڵەبجەوە ڕایانگیاند کە خەڵک ڤاکسین لەخۆیان نادەن. بەمەرجێک ئەگەر وابوایە دەبو کەس فۆڕمی پڕنەکردایەتەوە  یان ڕۆژانەچەندین کەس لەبەردەم نەخۆشخانەی شیفا لە هەڵەبجە داوای ڤاکسین دەکەن و پێیان دەڵێن وەجبەی تازە نەهاتوە؟ لێرەوە ئەو ڕاستیەمان بۆ دەردەکه وێت، کە بەرپرسانی حکومەتی هەرێم ڤاکسین بۆ فرۆشتن و بەخشین بەکاردەهێنن نەک بۆ میلەت.

 

01:08 - 29/4/2021 نوێ کراوەتەوە

بۆچوونی تۆ؟
Loading...
بۆچوون

هیچ بۆچوونێک دانەنراوە.