بیروڕا

02:21 - 15/9/2021

امین ‌حاجی زەڵمی

خۆخۆری کورد بەناوی ناسیونالیستەوە

‍ ‍ خۆخۆری کورد بەناوی ناسیونالیستەوە


✍ئەمین حاجی زەڵمی

ئەگەر سەرنج لە مێژوی کورد بدەین  زۆرترین دەستەواژە کە لەئەدەبیات و نوسینی کوردیدا دەبێنین بریتیە لە  تۆمەت خستنەپاڵ و خۆ سووک‌کردن و بچوکردنەوەی تاکی کوردیە بەبیانوی جوراوجۆر، هەموشیان دەرئەنجامی  کورت‌بینی و قبوڵنەکردنی یەکتریە، یان بوچونی پیچەوانە وایان لێدەکات  بێ گوێدانە هیچ پرنسیپێکی ئەخلاقی و مرۆڤ‌دوستی کورد ویستییانە، نمونە لە مێژوی دور و نزیکدا هەن وەک بکۆژی  مامە ڕیشە ودواتر بەقارەمان ناساندنی  بکوژەکەی و بەکرهێنانی بۆ بەرژەوەندی  حیزبی، یان ناساندنی تاکێک لە هەورامانی باشوور بە جاش چونکە وەکو ئەوان بیری نەکردوەتەوە ئەگەر  ئەنجامی کارەکەی ئەو بەجاش ناوبراوە بکەین دەبینین کە گەورەترین خزمەتی بەناوچەی هەورامان کردوە، لە هەورامانی ڕۆژهەڵات چەندین کەسی  کوردپەروەر و هەورامان‌پەروەر کاریان کرد تا ناوچەی هەورامان لە یونسکۆ بناسرێیت، کەچی لە چەند پەیج و ئەکاونتێک وادەری دەخەن ئەمانە جاشی ئێرانن، لە کاتێکدا ئەوەی ئەوان کردویانە بەهەزار ساڵیش ئەوانەی ڕەخنەیان لێدەگرن ناتوانن بچوکترین کار بۆ هەورامان بکەن تەنها بەناوی ناسیونالیستیەوە قسەی نەشیاو  نامرۆڤانەیان بەرانبەر دەکرێیت، لەکاتێکدا زۆربەی سەرکردەسیاسیەکان وەکو سەرۆک کۆمار و سەرۆکی هەرێم  و بەرپرسی یەکەمی حیزبەکانی باشور و ڕۆژهەڵات پیروزباییان لە خەڵکی هەورامان و کوردستان کرد بەبۆنەی ئەو دەستکەوتە مێژویەوە، کەچی هەندێک بەناوی جوراوجور و فروشتنەوەی بیری ناسیۆنالیستیەوە ڕەخنە لە کارەکانیان دەگرن، ئەمانە بەس نین هندێک پەیجی  بەناو کوردی و بەناو ناسیۆنالیزمیەوە  لە چەندین شاری وەکو کەرکوک و شەنگال و سلێمانی و دیاربەکر و مەهاباد و سنە و کرماشان و کامیاران ناوی کوڕی کورد دەنوسن و وێنەیان بڵاو دەکەنەوە  کە گوایە جاشن، هۆکارەکەش تەنها ئەوەیە وەکو ئەوان بیرناکەنەوە و بۆ خزمەتکردنی وڵات و ناوچەکانیان لە ئیدارەیەکی ئەو شارە کاردەکەن، لە کاتێکدا ئەگەر حکومەت لە شۆینیکی دیکەوە خەڵک بهێنیت بو ئیدارە کردنی ئەو شوێنانە وای نیشان دەدەن کە بۆچی خەڵکی ئەوشارە بەشیاو نازانن  ئەگەریش لە هاوشاریانی ئەو شوێنانە بەڕێوە ببرێن بە جاش و خائین ناوزەد دەکرێن،  
بۆیە دەبێت خەڵکی بەشەرەفی کوردی شارەکان ئەو ڕاستیە بزانن کە هەرشتێک  ناسیۆنالیستە توندڕەوەکان وتیان سەبارەت بەو خەڵکە خزمەتکارە دوورە لە ڕاستیەوە و ناخی پیسی خویان وایان لێدەکات بەو جۆرە بیربکەنەوە  هەرکەسێک لەوان نەبو دوژمنی کوردە، ئەوانە و تەنها بۆ شەڕی کورد بەکورد و تەفرەقە نانەوە دروست کراون،
 ئەگەرنا لە ڕاستیدا ئەوانە کوردی ڕەسەنن و خزمەتکاری ناوچەکانیانن

بۆچوونی تۆ؟
Loading...
بۆچوون

هیچ بۆچوونێک دانەنراوە.