فەرهەنگ و هونەر

02:00 - 22/2/2021

یاداشتێکی کاک ساڵح سووزەنی شاعیر و ڕەخنەگر لەسەر ڕۆمانی هاوزێ.

یاداشتێکی کاک ساڵح سووزەنی شاعیر و ڕەخنەگر لەسەر ڕۆمانی هاوزێ.


ڕۆمانی هاوزێ م خوێندەوە:
ئەوەی لە خوێندنەوەی یەکەمدا بەرچاوە، وەکو بابەت، هەڵوەشاندنەوەی زمانیی شۆڕشە بە هەموو دروشم و هەیبەت و کەبکەیەوە تا نیمچە دەسەڵاتی دوای ڕاپەڕین / لە کات - شوێنی ۱۹٨۲ تا ۱۹۹٥ و پانتایی عێراق سووریە ئێراندا/ لە ڕێگەی گێڕانەوەی بیرەوەرییەکانی چەند دژە قارەمانی وەک سەردار/ کوڕی کەمال ئاغا خائین -پێشمەرگە/ زارا /کچە ئاڵۆشاوییەکەی مامۆستا مەولود/ و فارووق/کوڕی شەهید ئەحمەد کەمال/ەوە.
بەڵام ئەوەی لای من گرینگی زێدەتری هەبوو، چۆنیەتی گێڕانەوە و پلۆت و پێکهاتەبەندیی گێڕانەوە و گرینگیدان بە گۆشەنیگا/ زۆربەی کات منی یەکەم کەسی تاک، / سێڵاوی هۆش مەنۆلۆگ و سینۆلۆگی زێهنی و گێڕانەوە بۆ ئەوی دی بۆ نووسینەوە و گەمە نوێکان بە کەرەسەی نوێ/ ئیمەیل و نازناو و ئاماژە بە وتار لە دەرەوەی دەق و ... واتە لە گێڕانەوەی ناو گێڕانەوە (متافیکشن)دا؛ فارووق و زارا لەگەڵ ئەوەدا کە لەلایەن گروپی "جیهان ئێمەین"ەوە، بەرپرسن سەرگوزەشتە و دانپیانان/ئێعتراف/ی ئەوانی دی /سەردار و ژن و کچ و دایکەکان/ بنووسنەوە؛ خۆیان و دەروونی خۆشیان تا سەر ئێسقان/ ئەو نهێنی و تابۆگەلەی کەس ناوێرێ لای کەس بیدرکێنێ... سێکسی بەرەڵا و دەسپەڕ تا کوشتن و سەربڕینەکان و... فریودانی ژنان بۆ وەی کوڕەکانیان بنێرنە سووریە بۆ شەڕ و.../ لەگەڵ دەگێڕنەوە و هاوزێی پێ دەوڵەمەند ئەکەن/وەک ڕۆمانی مۆدێڕن بە زۆربەی تایبەتمەندییەکانییەوە/ .. .
وتار و خوێندنەوە و لەسەر خوێندنەوەی دەوێ تا هەموو لایەنەکانی هاوزێ(لفەدوانە-لفەزێ)ی تیا شی بکەیتەوە... هیوادارم خوێنەرانی چالاکی دەقی کوردی بیخوێننەوە و توێکاری لێ هەڵماڵنەوە...
بەڵام جارێ پێویستە دەستخۆشی و هیوای بەردەوامییم هەبێ بۆ کاک دلاوەر ڕەحیمی

بۆچوونی تۆ؟
Loading...
بۆچوون

هیچ بۆچوونێک دانەنراوە.