کوردستان

01:08 - 27/11/2020

ئەیانەوێ لە پێناو مشتێک پارەی تەزویری عێراقدا خوێنی شەهیدەکانیش بخرێتە ژێر پرسیارەوە..؟

محەمەدی حاجی مەحمود بۆ یادی شەهید عەتا ی كوڕی:

بۆ یادی شەھید عەتا

لە ۲٠۱٤/۱۱/۲٦ لە باشوری کەرکوک بە بێ پشتیوانی هاوپەیمانیە نێودەوڵەتیەکان لە شەڕێکی قارەمانانەدا لە بەرامبەر هێرشێکی هێزەکانی داعش، توانی ئەفسانەی داعش تێک بشکێنن، ئەم سەرکەوتنەش بە خوێنی ژمارەیەک پێشمەرگەی قارەمان و شەهید عەتای جوانە مەرگ تۆمار کرا.

ئەمڕۆ وا ئەم یادە شەش ساڵ بەسەریدا تێپەڕ دەبێت، بۆ من وەک ڕۆژێکی ئاسایی وابوو، چونکە ئەو ڕۆژەی عەتاو هاوڕێکانی شەهید بوون، هەموو عەتاکانی تر لەسۆسیالیست و لە هێزەکانی تر هەموویان وەک عەتا وان لە لای من.

بەڵام ئەوەی ئەمڕۆ من بیرم لێ ئەکردەوە ئاواتی عەتاو هەموو شەهیدەکانی تریش ئەوەبوو ئەوەی کورد قارەمانانە توانیوێتی دوژمن بشکێنێ وەک هەمیشە تێکیشکاندوەو ڕاوی ناوە، بەلام لە دوای شەش ساڵ جگە لەوەی ئەو ناوچانە بە کەرکوکیشەوە تەسلیم بە دوژمن و بەغداد کردووە، ئێستاش ئەیانەوێ لە پێناو مشتێک پارەی تەزویری عێراقدا خوێنی شەهیدەکانیش بخرێتە ژێر پرسیارەوە..؟

بۆیە لەم یادەدا داوا لە حکومەت و پەڕڵەمان و هەموولایەک دەکەم چی تر خۆتان تەسلیم دەستی قەدەر مەکەن و خۆتان ئیدارەی خۆتان بدەن و خۆتان ڕێکبخەن، چاوەڕێی شۆڤێنی عەرەب لە بەغداد مەبن.

مالی کوردستان رێکبخەن و داهات و بەروبومی کوردستان کۆبکەنەوەو ئیدارەیەکی گۆنجاو ڕێکبخەن و شەهیدەکان ئاسودە بکەن.

محەمەد حاجی مەحمود

۲٠۲٠/۱۱/۲٦

گوڵەخانە


بابەتی زۆرتر

بابەتی پەیوەندیدار
شەهید عەتامحەمەدی حاجی مەحمود
بۆچوونی تۆ؟
Loading...
بۆچوون

هیچ بۆچوونێک دانەنراوە.