کوردستان

08:24 - 17/12/2020

داوا دەكرێت پەكەكە و پارتی خۆیان لە پیلانی(B) توركیا بپارێزن

كەسایەتیەكی سیاسی هەرێمی كوردستان لە بانگەوازێكدا داو لە پارتی و پەكەكە دەكەن شەڕ نەكەن چونكە ئەوە بە پیلانی(B) توركیا دەزانێت و دەڵێت بۆ دۆزی كورد مەترسی هەیە.

محەمەد ئەمین پێنجوێنی كەسایەتی سیاسی هەرێمی كوردستان و یەكێك لەو كەسانەی بەردەوام لە هەوڵی نزیك كردنەوەی لایەنە سیاسیە كوردیەكانە هۆشداری دەداتە هەریەكە لە پارتی و پەكەكە و داوایان لێدەكات خۆیان بە دوور بگرن لە شەڕی نێوانیان.

ئەو كەسایەتیە سیاسیە لە بانگەوازێكدا ئاماژە بەوە دەكات "شەڕی كورد و كورد هیچ قازانجێكی میلەتی كوردی تیا نیە وە زەررێكی زۆر لە دۆزی كورد لە جیهاندا دەگەیەنێت وە پرۆسەی سیاسی باشوری كوردستان یش لە كەدار دەكات".

محەمەد ئەمین پێنجوێن دەشڵێت: هیوادارین هەردوولا ئاگاداری ئەوە بن وە پیلانی B دەوڵەتی توركە و شەری كورد و كورد جێبەجێ نەكرێت وە داوا لە هەموو دڵسۆزانی نەتەوەی كورد دەكەین بە وشیاریەوە مامەڵە لەگەل ئەم پیلانەی B دەوڵەتی تورك بكەن.

08:27 - 17/12/2020 نوێ کراوەتەوە

بۆچوونی تۆ؟
Loading...
بۆچوون

هیچ بۆچوونێک دانەنراوە.