جیهان

02:00 - 11/10/2020

تڕەمپ: ئەگەر ببمەوە بە سەرۆك ڕێككەوتنێكی نوێ لەگەڵ ئێران ئیمزا دەكەم

دۆناڵد تڕەمپ ئاشكرایكرد، ئەگەر بۆ جاری دووەم ببێتەوە بە سەرۆكی ئەمریكا، ڕێكکەوتنێكی نوێ لەگەڵ ئێران، ئیمزا دەكات.

سەرۆكی ئەمریكا، لە چاوپێكەوتنێكی ڕۆژنامەوانیدا ڕایگەیاند، ئەگەر ئێران هەڵسوكەوتێكی نەشیاو لە بەرامبەر واشنتۆن بكات، بەدڵنیایی زۆر بە توندی وەڵامی دەدرێتەوە،

وتیشی، ئەگەر لە هەڵبژاردنی سەرۆكایەتی ئەمریكا كە بڕیارە لە ٣ی تشرینی دووەمی داهاتوو بەڕێوەبچێت، شكست بە كاندیدی دیموكراتەكان بهێنێت و بۆ جاری دووەم ببێتەوە سەرۆكی ئەمریكا، ڕێكکەوتنێكی نوێی ئەتۆمی لە ماوەی مانگێكدا لەگەڵ ئێران، ئیمزا دەكات.

پێشتریش، سەرۆكی ئەمریكا هۆشداری توندی دابووە تاران لە بارەی ئەنجامدانی هەر هێرش و پەلامارێك لە دژی بەرژەوەندییەكانی ئەمریكا، لە جیهاندا.

بۆچوونی تۆ؟
Loading...
بۆچوون

هیچ بۆچوونێک دانەنراوە.