جیهان

12:06 - 28/9/2020

كازمی ڕەوتێكی نوێ ڕادەگەیەنێت و لە هەڵبژاردنەكاندا ململانێی هێزە سیاسیەكان دەكات

مستەفا كازمی سەرۆك وەزیرانی نوێی عیراق كە پێنج مانگ لەمەوپێش حكومەتی پێكهێنا،ئێستا لە هەوڵی پێكهێنانی ڕەوتێكی نوێی سیاسیدایە كە لەچەندین كەسایەتی تەكنۆكرات پێكدێت و دەیەوێت لە هەڵبژاردنەكانی شەشی حوزەیراندا بەشداری بكات.

سەرچاوەیەكی تایبەت بە كەناڵی " الجزیرە"ی قەتەری ڕاگەیاند، كە پڕۆژە نوێیەكەی كازمی پێكهێنانی ڕەوتێكی نوێی سیاسیە، كە بەشداری لە هەڵبژاردنە پێشوەختەكەی 6ی حوزەیراندا بكات.

سەرچ اوە نزیكەكەی كازمی ئەوەشی وتووە كە گۆڕانكارییەكانی ئەمساڵی وڵات وا دەخوازێت كەكوتلەی نوێی سیاسی بێتە كایەوە، بەشێوەیەك توانایەكی گەورەی هەبێت و بتوانێت ئەو هێزانە لابەرێت كە 17 ساڵە لە فەرمانڕەوایەتیدان و ناڕەزایەتی لە دژیان سەری هەڵداوە.

سەرچاوەكە ئاماژەی بەوەش كردووە، كە كازمی مافی یاسایی خۆیەتی كە ڕەوتێكی نوێ پێكبهێنێت و بەشداری لە هەڵبژاردنەكانی داهاتوودا بكات،هەروەها گۆڕانكاریی ڕاستەقینەتموحی گەلی عیراق لە خۆشگوزەرانی و ژیانێكی شایستە فەراهەم دەكات، بۆیەپێدەچێت لە چەند هەفتەی داهاتوو ڕەوتەكەی ڕابگەیەنرێت.

هەرچی پەیوەست بە ناو و پەیكەری ڕێكخستنەوە، ئەو سەرچاوەیە دەڵێت:" گفتوگۆكان لەو بارەیەوە لەگەڵ چەندین كەسایەتی نیشتیمانی و و تەكنۆكرات بەردەوامی هەیە، كازمی پێشنیاری " ڕەوتی دەوڵەت" یان ناوێكی نزیك لەوی كردووە.

تاكو ئێستا پەیكەری ڕێكخستنی ڕەوتەكەی كازمی لە 10 كەسایەتی پێكدێن گە بریتین لە " رائد جوحی بەڕێوەبەری نوسینكەی كازمی،مشرق عەباس ڕاگەیاندكار،ڕۆژنامەنوس زیاد ئەلعجێلی، ئەحمەد مەلا تەڵاڵ وتەبێژی سەرۆك وەزیران، كازم سەهلانی و حسێن عەلاوی ڕاوێژكارانی كازمی، هیشام داود و چەنیدین كەسایەتی یاسایی و چالاكوانانی خۆپیشاندانەكان.

بۆچوونی تۆ؟
Loading...
بۆچوون

هیچ بۆچوونێک دانەنراوە.